ԱՄՆ պետդեպարտամենտը հայտարարել է Ռուսաստանի հետ փոխադարձ դիվանագիտական ​​ներկայությունը պահպանելու ցանկության մասին

ԱՄՆ-ը կցանկանար պահպանել փոխադարձ դիվանագիտական ներկայությունը Ռուսաստանի հետ և բաց պահել հաղորդակցության ուղիները․ ըստ ՏԱՍՍ-ի՝ հայտարարել է Պետդեպարտամենտի մամուլի ծառայության ղեկավար Նեդ Փրայսը։

«Մենք կարծում ենք, որ կարևոր է բաց պահել Ռուսաստանի հետ կապի ուղիները»,- ասել է նա:

Փրայսը հավելել է, որ դա առանձնահատուկ նշանակություն ունի «լարվածության ու հակամարտությունների ժամանակ»։ Նա ընդգծել է, որ ԱՄՆ-ը հանձնառու է բաց պահել հաղորդակցության ուղիները և պահպանել դիվանագիտական ներկայությունը Մոսկվայում։

«Մենք նաև հավատարիմ ենք ԱՄՆ-ում ռուսական դիվանագիտական ներկայության պահպանմանը»,- ասել է Պետդեպարտամենտի խոսնակը։

Ավելի վաղ Փրայսը հայտարարել էր, որ ԱՄՆ իշխանությունները պատրաստ են մեղմել Ռուսաստանի դեմ սահմանված պատժամիջոցները Ուկրաինայում իրավիճակի դեէսկալացիայի դեպքում։ Միաժամանակ, պատժամիջոցները կարող են խստացվել, եթե Ուկրաինայում իրավիճակը վատթարանա։