Ձեզնից ոչ ոք արժեք չուներ իշխանության գալու. Քրիստինե Վարդանյանը՝ իշխանական պատգամավորներին

Տիկին Կարապետյան, դուք սխալվում եք. ես չգիտեմ այս տրիվյալ միտքը ձեզ ոնց չի հասնում, իշխանական պատգամավորներին եմ դիմում: ԱԺ արտաքին հարաբերությունների մշտական հանձնաժողովի նիստին ասաց «Հայաստան» խմբակցության պատգամավոր Քրիստինե Վարդանյանը՝ անդրադառնալով Շուշիի հռչակագրի վերաբերյալ Անդրանիկ Թևանյանի հեղինակած հայտարարության նախագծին, որին դեմ են արտահայտվել իշխանական պատգամավորները:

«Ինչ արել են 2001-ին, 2008-ին, 2010-ին, 2013-ին, 2016-ին, ձեզնից առաջ, այդ նախկիններ կոչվածը, դուք ոնց որ մոռանում եք, որ 2016-ին մի պատերազմ եղել է, որն ունեցել է ճիշտ 2020-ի հակառակ պատկերը՝ ոչ տարածքային կորուստներ ենք ունեցել, ո՛չ հազարավոր զոհեր ենք ունեցել, և կապիտուլյացիա չենք ստորագրել: Ուրեմն մինչև ձեզ, մինչև 2018-ի արածի, չարածի, դիվանագիտության, ռազմական ծախսերի պատասխանը 2016 թվականի պատերազմն է, որը 180 աստիճան այլ ելք ուներ: 

Եվ, եթե ինչ-որ սխալներ էլ եղել են, դուք ոնց որ չեք հասկանում, որ դուք իշխանություն եք մի պարզ պատճառով՝ 2018-ից առաջ եղածի ու չեղածի հետևանքով. ես չգիտեմ, թե դուք որքան կձգեք այդքան համեմատվելով»: