Ռուսաստանին հաջողվեց կառուցել «ֆինանսական ամրոց»՝ պաշտպանվելու Արևմուտքի պատժամիջոցներից. Bloomberg

Մի քանի տարում Ռուսաստանին հաջողվեց կառուցել «ֆինանսական ամրոց»՝ պաշտպանվելու Արևմուտքի նոր պատժամիջոցներից և դիմակայելու դրանց առանց մեծ կորուստների։

Ըստ Bloomberg-ի հեղինակ Աննա Անդրիանովայի՝ հակառուսական նոր սահմանափակումները, որոնք քննարկում են Բայդենի վարչակազմը և դաշնակիցները, կարող են ազդեցություն ունենալ ռուբլու, գնաճի կամ երկրում ներդրումային միջավայրի վրա։ Ընդ որում, այս միջոցառումները ի վիճակի չեն  առաջացնել ցուցանիշների այնպիսի անկում, ինչպիսին 2014թ.։

Հոդվածում նշվում է, որ Մոսկվային հաջողվել է պետական պարտքը նվազեցնել աշխարհի խոշոր տնտեսությունների մեջ ամենացածր արժեքներից մեկին և հասնել բյուջեի ավելցուկի։ Բացի այդ, Ռուսաստանը նվազեցնում է կախվածությունը դոլարից՝ հաշվարկներն ու խնայողությունները փոխակերպելով այլ արժույթների։

«Ռուսաստանը շատ ավելի լավ է պատրաստ պատժամիջոցների, քան նախկինում, գոնե մակրո ցուցանիշների առումով», - գործակալությանը ասել է BCS-ի ավագ տնտեսագետ Նատալյա Լավրովան:

2021 թվականի հոկտեմբերին ՌԴ նախագահ Վլադիմիր Պուտինը CNBC-ին տված հարցազրույցում նշել էր, որ դոլարը կորցնում է իր դիրքը՝ որպես համաշխարհային պահուստային արժույթ, իսկ դոլարով հաշվարկների ծավալը նվազում է։