Հայաստանում թուրքերն անշարժ գույք են ձեռք բերել. Վահան Քերոբյան

Հայաստանում թուրքերն անշարժ գույք են ձեռք բերել․ կառավարության նիստից հետո հայտարարեց էկոնոմիկայի նախարար Վահան Քերոբյանը` արձագանքելով լուրերին, թե վերջին շրջանում թուրքերը Հայաստանում կապիտալ են ձեռք բերում։

«Միշտ եղել է, օրինակ` անշարժ գույք, ընկերություններ»,– նշեց նախարարը։

Ավելի կոնկրետ տեղեկատվության համար, թե Թուրքիայի քաղաքացիներն ինչ գույք ունեն Հայաստանում, նա լրագրողներին առաջարկեց դիմել Կադաստրի կոմիտե, պետռեգիստր և Կենտրոնական դեպոզիտարիա։

Վահան Քերոբյանը հայտարարեց, որ Հայաստանի տնտեսությունն, այդ առումով, Թուրքիայի համար միշտ բաց է եղել, բացի 2021թ․-ից, երբ կառավարությունը թուրքական ապրանքների ներմուծման էմբարգո կիրառեց։