Ինձ համար մեծագույն ողբերգությունը նոյեմբերի 9-ն է․ Ագնեսա Խամոյան

Երեկ Նիկոլ Փաշինյանը շատ հստակ հայտարարեց, որ ներդաշնակեցման խնդիր ինքը ունի, և շատ հստակ  ակնարկեց, որ նախագահը պետք է լինի իր կուսակիցը։ Այս մասին ԱԺ-ում ճեպազրույցների ժամանակ ասաց «Հայաստան» խմբակցության պատգամավոր Ագնեսա Խամոյանը։

«Եթե մարդը հայտարարում է, որ ԲՈւՀ-երում գործուղում է իր թիմակիցներին իբր զերծ պահելու ԲՈւՀ-երը կուսակցականացումից,  ենթադրելի է, որ նախագահի պաշտոնում ակնհայտորեն առաջադրելու է իր հավատարիմ  մարդկանցից որևէ մեկին։ Մի ձևակերպում էլ Փաշինյանն արեց, ասաց՝ «միամիտների երեկոներ չեն լինելու», այնպես որ՝ ակնկալել մեզանից, որ մենք պետք է ապահովենք այդ ներդաշնակությունը, կարծում եմ, առնվազն տեղի չէ»,- ասաց Խամոյանը։

Արծվիկ Մինասյանը հավելեց․ «Այն չափանիշները, որ Փաշինյանը հրապարակեց իր սրտի թեկնածու նախագահի մասին, բնականաբար, մենք չենք կարող  կողմ լինել այդպիսի մոտեցմանը»։