Բայդենը մտադիր չէ զորք ուղարկել Ուկրաինա

ԱՄՆ նախագահ Ջո Բայդենը բացառել է ռուսական ագրեսիայի դեպքում Ուկրաինա ամերիկյան զորքեր ուղարկելու հնարավորությունը։ Այս մասին Բայդենը լրագրողներին ասել է դեկտեմբերի 8-ին. նշում է CNN-ը։

ԱՄՆ նախագահը նշել է, որ ամերիկացի զինվորականներին Ուկրաինա ուղարկելու որոշում «սեղանին չկա»։ Նրա խոսքով՝ ԱՄՆ-ը «բարոյական և իրավական պարտավորություն ունի ՆԱՏՕ-ի դաշնակիցների հանդեպ»՝ կոլեկտիվ պաշտպանության մասին 5-րդ հոդվածով, սակայն այդ պարտավորությունը չի տարածվում Ուկրաինայի վրա։

Հիշեցնենք, որ Պուտին-Բայդեն հանդիպումից հետո Ուկրաինայի առաջնորդ Վլադիմիր Զելենսկին հայտարարել է, որ գոհ է նախագահների հանդիպման արդյունքներից: