Իրանի ԱԳՆ-ն դատապարտել է ԱՄՆ-ի նոր պատժամիջոցները Թեհրանի նկատմամբ

Թեհրանը դատապարտում Է Միացյալ Նահանգների կողմից նախօրեին սահմանված նոր պատժամիջոցներն Իրանի նկատմամբ: Նոյեմբերի 19-ին այդ մասին, ըստ ՏԱՍՍ-ի, հայտարարել Է Իրանի արտաքին գործերի նախարարության պաշտոնական ներկայացուցիչ Սայիդ Խաթիբզադեն:

«Իրանն ԱՄՆ-ի կողմից նոր պատժամիջոցները դիտում Է որպես (Միացյալ Նահանգների նախկին նախագահ Դոնալդ) Թրամփի առավելագույն ճնշման ձախողված քաղաքականության շարունակություն, դատապարտում Է դրանք եւ այդ ճնշումը համարում անօրինական»,- մեջբերում Է նրա խոսքը գերատեսչության մամուլի ծառայությունը:

Նոյեմբերի 18-ին ԱՄՆ-ը պատժամիջոցներ Է սահմանել Իրանի Emennet Pasargad կիբերընկերության եւ դրա վեց աշխատակիցների նկատմամբ՝ Վաշինգտոնի տեսակետով ԱՄՆ-ի՝ 2020 թվականի նախագահական ընտրությունների վրա ազդելու փորձի համար։