ԱՄՆ-ն 60 օրով չեղարկել է Իրանի նավթի և նավթամթերքի նկատմամբ սահմանված պատժամիջոցները

ԱՄՆ-ն 60 օրով չեղարկել է Իրանի նավթի և նավթամթերքի նկատմամբ սահմանված պատժամիջոցները։ Այս մասին հայտարարել է ԱՄՆ ֆինանսների նախարար Սքոթ Բեսենթը։

Ավելի վաղ Թեհրանը հայտարարել էր, որ երեկ Շվեյցարիայում ամերիկացիների հետ համաձայնության է եկել պատժամիջոցները չեղարկելու և Լիբանանում պատերազմը դադարեցնելու վերաբերյալ։

Երկուսն էլ նախատեսված էին ԱՄՆ-ի և Իրանի միջև անցյալ շաբաթ ստորագրված հուշագրով։

Ավելի վաղ Իրանը նաև  հայտարարել էր, որ կդադարեցնի ԱՄՆ-ի հետ հետագա բանակցությունները, եթե Լիբանանում հրադադար չհաստատվի։

Հիշեցնենք՝ հունիսի 18-ի գիշերը ԱՄՆ-ի նախագահ Դոնալդ Թրամփը և Իրանի նախագահ Մասուդ Փեզեշքիանը հեռակա կարգով ստորագրեցին Իրանի և Միացյալ Նահանգների միջև 14 կետից բաղկացած փոխըմբռնման հուշագիրը։ Այն հրապարակվել է ինչպես ամերիկյան, այնպես էլ իրանական առաջատար ԶԼՄ-ների կողմից։ Փաստաթղթը նախատեսում է, որ ԱՄՆ-ն և Իրանը անհապաղ դադարեցնում են ռազմական գործողությունները «բոլոր ճակատներում, այդ թվում՝ Լիբանանում»։