Ինչո՞ւ ձեր շեֆի «կիրթ ու կառուցողական» Ալիևի ապակառուցողական հայր Ալիևը հրաժարվեց վերցնել Մեղրին․ պատգամավոր

 

Եթե մեզ համար այդքան վատն էր, իսկ Ադրբեջանի համար այդքան լավն էր փաստաթուղթը, ու հիմա ձեր քույրիկ արբանյակների հետ միասին ակնարկում եք, թե «Քոչարյանը Մեղրին տալիս էր», հարց է առաջանում՝ ինչո՞ւ ձեր շեֆի «կիրթ ու կառուցողական» Ալիեւի փաստորեն ապակառուցողական հայր Ալիեւը հրաժարվեց վերցնել Մեղին, ՀՐԱԺԱՐՎԵՑ ստորագրումից, ասելով՝ «Մտածում էի, որ կկարողանամ: Մինչեւ վերջին պահը համոզված չէի, թե կհրաժարվեմ: Երեւի գերագնահատեցի իմ հնարավորությունները: Չկարողացա ընտանիքիս համոզել, որ դա անհրաժեշտ է, ադրբեջանցի ժողովուրդը ինձ չի հասկանա, եթե հանձնեմ Ղարաբաղը: Ու հասկացա, որ եթե նույնիսկ իմ ընտանիքին չեմ կարողանում համոզել, առավել եւս չեմ կարողանալու համոզել ադրբեջանցի ժողովրդին»:

Ու այսքանից հետո, ո՞նց է ստացվում. Քոչարյանը Մեղրին տալի՞ս էր, Ալիեւն էլ չվերցրե՞ց:

 

Հ. Գ. Ու եւս մեկ անգամ ապացույց, որ Քոչարյանը իրապես փորձել է լուծել ղարաբաղյան հակամարտությունը՝ չթողնելով այն սերունդներին ու խաղաղության հասնելու երկար ճանապարհին միշտ հայկական կողմը միջազգային հանրության համար եղել է ԿԱՌՈՒՑՈՂԱԿԱՆ կողմը, Ադրբեջանը՝ հակառակը, տրամաբանությունը փոխվեց 2018թ.-ից հետո, երբ իշխանության եկավ մարդ, ով հպարտորեն հայտարարում էր, թե բանակցությունների ընթացքում ժամանակ ձգելու համար իրեն անգամ գժի տեղ է դնում»: