Թուրքիայի պաշտպանության նախարարը ժամանել է Բաքու

Թուրքիայի ազգային պաշտպանության նախարար Հուլուսի Աքարն այցով ժամանել է Բաքու։ Այս մասին կիրակի հայտնել է Ադրբեջանի ՊՆ մամուլի ծառայությունը։

«Նոյեմբերի 7-ին Ադրբեջանի Հանրապետության պաշտպանության նախարար, գեներալ-գնդապետ Զաքիր Հասանովը և նախարարության ղեկավարությունը հանդիպել են Բաքու ժամանած՝ Թուրքիայի Հանրապետության ազգային պաշտպանության նախարար Հուլուսի Աքարի գլխավորած ռազմական պատվիրակության հետ»,- ասվում է հաղորդագրության մեջ։

Ռազմական գերատեսչության տվյալներով՝ թուրքական պատվիրակությունը կմասնակցի տոնական միջոցառումներին՝ Արցախի 75 տոկոսի օկուպացիայի օրվա կապակցությամբ, որը նշվում է Ադրբեջանում նոյեմբերի 8-ին։