Պատգամավորին պետական գաղտնիք չտրամադրելը հերթական աբսուրդի շքերթի դեպքերից է․ Արամ Վարդևանյան

Պատգամավորը, երբ ստանձնում է իր կարգավիճակը, ստանում է ժողովրդից վստահության քվեն և սահմանափակված է լինում Սահմանադրությամբ ամրագրված ներկայացուցչական մանդատով։ Հետևաբար, որևէ կառույց այլևս չի կարող տեխնիկական ձևերով կամ ձևական պահանջներով թույլատրել կամ չթույլատրել պատգամավորին, որպեսզի վերջինս ունենա գաղտնիության թույլտվություն։ Ազգային ժողովում ճեպազրույցի ժամանակ ասաց «Հայաստան» խմբակցության պատգամավոր Արամ Վարդևանյանը։

«Չի կարող պատգամավորն իրականացնել  իր առաջնային մանդատով միակ օժտված պաշտոնյայի գործառույթները, բայց չգիտես ինչու ձևական պահանջներից ելնելով մի կառույց, որն էլ վերահսկողության ենթակ  է նույն այդ պատգամավորի կողմից, որոշի՝  դու լրիվ պատգամավոր կարո՞ղ ես աշխատել, թե՞ ոչ»։