Ադրբեջանը օկուպացված Կովսականում և Քարվաճառում կառուցում է, համապատասխանաբար, օդանավակայան և երկաթգիծ

Ադրբեջանի նախագահ Իլհամ Ալիևը և առաջին տիկին ու փոխնախագահ Մեհրիբան Ալիևան այցելել են Արցախից զավթված Կովսականի շրջան և ծանոթացել այնտեղ կառուցվող միջազգային օդանավակայանի շինարարությանը: 3000 մետր թռիչքուղիով օդանավակայանի շինարարությունը սկսվել է այս տարվա մայիսին։

«Ադրբեջանական երկաթուղիներ» ՓԲԸ-ն էլ նախատեսում է կառուցել նոր երկաթգիծ, որը կապելու է Արցախի Շահումյանի շրջանը (օկուպացված դեռևս Արցախյան առաջին պատերազմի ժամանակ) Քարվաճառի շրջանի հետ: Ադրբեջանի Դելիմամեդլի քաղաքից սկսվող՝ դեպի Քարվաճառ երկաթգիծը կունենա 88,8 կմ երկարություն: Շինարարական աշխատանքների մեկնարկի ժամկետների մասին չի հաղորդվում։