Օկուպացված Քարվաճառում ճանապարհ սարքելիս` Ժայռաբեկորները թափվել են էքսկավատորի վրա. կա զոհ

Արցախի ժամանակավոր օկուպացված Քարվաճառի շրջանում ադրբեջանցիների կողմից նոր ճանապարհ սարքելու ժամանակ ժայռի բեկորներ են ընկել էքսկավատորի վրա:

Ի պատասխան ադրնեջանական Report-ի հարցման՝ Ադրբեջանի գլխավոր դատախազությունը հայտնել է, որ սեպտեմբերի 26 -ին, Քարվաճառի Ծար (Զար) գյուղում` Հայաստանի սահմանին մոտ, ճանապարհի կառուցման ժամանակ, ժայռի բեկորներ ընկել են North West Construction էքսկավատորի վրա:

Միջադեպի արդյունքում էքսկավատորի մեքենավար-օպերատոր, Քուրդամիր շրջանի բնակիչ Ջաբրաիլով Բահրուզ Իսրաիլ օղլուն ստացած վնասվածքներից տեղում մահացել է:

Հիշեցնենք, որ Քարվաճառը թշնամուն առանց կրակոցի հանձնվել է 2020 թ. նոյեմբերի 25-ին: