Ժոնաթան Լաքոթը հրապարակել է Էյֆելյան աշտարակի լուսանկարը՝ լուսավորված հայկական դրոշի գույներով

Հայաստանում Ֆրանսիայի արդեն նախկին դեսպան Ժոնաթան Լաքոթը հրապարակել է Էյֆելյան աշտարակի լուսանկարը՝ լուսավորված հայկական դրոշի գույներով:

Հիշեցնենք, որ ուղիղ մեկ տարի առաջ՝ 2020 թվականի սեպտեմբերի 27-ին, առավոտյան ժամը 7։10-ին, Ադրբեջանը լայնամասշտաբ ագրեսիա սկսեց Արցախի Հանրապետության դեմ: Միաժամանակ շփման գծի գրեթե բոլոր ուղղություններով թշնամին օդուժի, հրետանու, անօդաչուների կիրառմամբ հարձակում սկսեց՝ այդ թվում հրթիռակոծելով խաղաղ բնակավայրերը։

Մարտական գործողություններն ընթացան արցախա-ադրբեջանական շփման գծի ողջ երկայնքով, ինչպես նաև հայ-ադրբեջանական շփման գծի որոշ հատվածներում, եւ տեւեցին 44 օր: