Դիմելու ենք ՍԴ՝ պատվաստումների հետ կապված հրամանի գործողությունը կասեցնելու պահանջով․Արամ Վարդևանյան

ՀՀ-ում կալանքը դարձել է բացառապես քաղաքական գործիք։ Արմեն Չարչյանի վիճակը, ինչպես նախկինում, շատ ծանր է։ Այս մասին ԱԺ-ում լրագրողների հետ ճեպազրույցում ասաց «Հայաստան» խմբակցության պատգամավոր Արամ Վարդևանյանը։

«Կարևորում եմ, որ Արմեն Չարչյանի գործով հրատապ նիստ է նշանակվել, այդտեղ պաշտպանների, լրագրողների ջանքերը շատ մեծ էին։ Հույս ունեմ, որ դատարանը կգտնվի բարձունքի վրա, որովհետև այստեղ այլ տարբերակ, քան այդ խայտառակ խափանման միջոց կալանավորումը վերացնելը, ուղղակի չկա»,- ասաց Վարդևանյանը։

«Հայաստան» խմբակցության պատգամավորը նաև հայտնեց, որ ՍԴ-ն վարույթ է ընդունել իրենց ներկայացրած դիմումը պատգամավորների անձեռնմխելիության վերաբերյալ։ «Սա, ի դեպ, վերաբերում է ոչ միայն ընդդիմադիր պատգամավորներին, այլ նաև իշխանական պատգամավորներին է վերաբերում և ապագայում եկող պատգամավորներին է վերաբերելու, որովհետև այնպես, ինչպես տրորեցին անձեռնմխելիության ինստիտուտը, երբեք նման բան չէր եղել»,- ասաց Վարդևանյանը և նշեց, որ ՍԴ-ն նիստը նշանակել է դեկտեմբերի 8-ին։

Մանրամասները՝ տեսանյութում