Որքա՞ն մարդ են թուրքերն այդ ճանապարհից փախցրել․ Արթուր Խաչատրյան

ՀՅԴ անդամ, «Հայաստան» խմբակցության պատգամավոր Արթուր Խաչատրյանը գրում է.

«Շեղվել են մայրուղուց… Մարդիկ վստահաբար իմացել են, որ Աբովյան փողոցի վրա չեն, թուրքերի վերահսկողության տակ անցած ճանապարհ է, բայց շեղվում են: Հիշեցի 1988-1992 թվականները: Որքա՞ն մարդ են թուրքերն այդ ճանապարհից փախցրել: Հարցեր, հարցեր, հարցեր…»:

Ավելի վաղ ՀՀ ԱԱԾ-ն հայտնել էր, որ սեպտեմբերի 18-ին, ժամը 21:00-ի սահմաններում ՀՀ ԱԱԾ-ում տեղեկություններ են ստացվել առ այն, որ նույն օրը ՀՀ Կոտայքի մարզի Քասախ համայնքի երկու բնակիչներ (տվյալները հայտնի են) Գորիս-Որոտան ճանապարհահատվածով երթևեկելիս շեղվել են մայրուղուց և հայտնվել են Ադրբեջանի վերահսկողության տակ գտնվող տարածքում: ՀՀ ԱԱԾ և ՌԴ ԱԴԾ սահմանապահների կողմից իրականացվում են համապատասխան աշխատանքներ նրանց հայտնաբերելու ուղղությամբ: