Տեղահանված արցախցիների խնդիրները. նրանց 48,4 տոկոսը տեղափոխվել է Հայաստան. հետազոտություն

Ինչ խնդիրներ ունեն տեղահանված ընտանիքները: Նրանց որ մասն է հաստատվել Արցախում, և որ մասն է այս պահին ապաստան գտել Հայաստանի Հանրապետությունում: Եկամտի ինչ աղբյուրներ ունեն նրանք, որոնք են առաջնահերթ լուծում պահանջող խնդիրները: Արցախի Հանրային հեռուստաընկերությունը հայտնում է, որ Ազգային վիճակագրական ծառայությունն այս և բազմաթիվ այլ հարցերի շրջանակներում ուսումնասիրություն է իրականացրել: Արդեն ի մի են բերվել արդյունքները:

Արցախի ազգային վիճակագրական ծառայության հետազոտությունների և ուսումնասիրությունների բաժնի պետ Լեոնիդ Սողոմոնյանն ասում է, որ հետազոտվել է 986 տնային տնտեսություն, որից 408-ը՝ քաղաքային բնակավայրերից։ Հետազոտված տնային տնտեսությունների 51,6 տոկոսը մնացել է Արցախում, 48,4 տոկոսը տեղափոխվել է ՀՀ, գլխավորապես վերաբնակեցվել են քաղաքային բնակավայրերում։

Ներկայացված տվյալներով, հարցված տնային տնտեսությունները 15,7 միլիարդ դրամի չափով կորցրած առանձնատներ ու բնակարաններ ունեն,  5 միլիարդ դրամի չափով՝  կահույք, 1,9 միլիարդ դրամի չափով՝ տնտեսական նշանուկության օբյեկտներ, 1,6 միլիարդ դրամի չափով՝ հողակտորներ, 1,3 միլիարդ դրամի չափով՝ մարդատար մեքենաներ։

Մանրամասները՝ Արցախի Հանրային հեռուստաընկերության տեսանյութում։