«Հայաստան»-ը չի մասնակցի Կոռուպցիայի կանխարգելման հանձնաժողովի անդամի թեկնածուի քվեարկությանը

Բերել եք մի մոդել, որտեղ քաղաքական ընդդիմության դերակատարությունն ուղղակի զրոյացված է․ ԱԺ նիստում նշեց «Հայաստան» խմբակցության քարտուղար Արծվիկ Մինասյանը:

 «Որդեգրվել է մի մոդել, որտեղ չի կարող հակակոռուպցիոն քաղաքականությունն ունենալ դրական արդյունք այն պատճառով, որ կոռուպցիան ծնող հիմնական շարժառիթը և պատճառը իշխանական ազդեցության լծակն է թե՛ հանրային ֆինանսների հասանելիության, թե՛ այդ ռեսուրսների բաշխման և հանրային իրավունքների տրամադրման մակարդակում»,- ասաց Արծվիկ Մինասյանը:

Ըստ պատգամավորի՝  կոռոպցիայի դեմ պայքարի կենտրոնական տեղում պետք է լինի ընդդիմությունը։

«Ընդդիմությունն էստեղ ո՞ւր է, ինչպե՞ս պետք է կարողանա օբյեկտիվ տեղեկատվություն ստանալ խորհրդարանը, երբ չկա ընդդիմության խոսքը: Այս համակարգը չի կարող իրականացնել կոռուպցիայի դեմ պայքարը»,- նշեց Արծվիկ Մինասյանը:

Ըստ նրա՝ «Հայաստան» խմբակցությունը չի մասնակցելու ներկայացված հարցի քվեարկությանը:

Մանրամասները՝ տեսանյութում