Կոռուպցիայի կանխարգելման հանձնաժողովի նախագահ ընտրվեց Հայկուհի Հարությունյանը

ՀՀ Ազգային անվտանգության խորհրդի շենքում այսօր՝ նոյեմբերի 26-ին, տեղի ունեցավ Կոռուպցիայի կանխարգելման հանձնաժողովի նիստը. օրակարգում հանձնաժողովի ընտրության հարցն էր:

Հանձնաժողովի 5 անդամներից երկուսն ինքնաառաջադրվեցին նախագահի պաշտոնում՝ Էդգար Շաթիրյանը և Հայկուհի Հարությունյանը:

Բաց քվեարկությամբ, 3 կողմ 1 դեմ ձայների հարաբերակցությամբ Կոռուպցիայի կանխարգելման հանձնաժողովի նախագահ ընտրվեց Հայկուհի Հարությունյանը:

Հիշեցնենք, որ օրերս ձևավորվել է Կոռուպցիայի կանխարգելման հանձնաժողովը: Կառավարությունը ներկայացրել էր Լիլիթ Ալեքսանյանի, «Իմ քայլը»՝ Էդգար Շաթիրյանի, «Բարգավաճ Հայաստան»-ը՝ Նարեկ Համբարձումյանի, «Լուսավոր Հայաստան»-ը՝ Հայկուհի Հարությունյանի, և Բարձրագույն դատական խորհուրդը՝ Արամայիս Փաշինյանի թեկնածությունները: Մնացյլալ 5-ը փակ գաղտնի քվեարկությամբ ընտրվել էին խորհրդարանի կողմից: