Ադրբեջանցի պաշտոնյան քանդել է իրենց «զոհերի» գերեզմանները և Թուրքիայի ու Ադրբեջանի դրոշները նետել աղբարկղը

Օղուզ շրջանի գործադիր իշխանության ղեկավարի առաջին տեղակալ Էթիբար Յուսուբովը քանդել է ադրբեջանցի «զոհերի» գերեզմանները և աղբարկղը գցել այնտեղ տեղադրված՝ Ադրբեջանի ու Թուրքիայի դրոշները: Այս մասին իր ֆեյսբուքյան էջում հայտնել է Բաքվի Բինագադիի շրջանի «Ժողովրդական ճակատ» կուսակցության փոխնախագահ Յալչին Աբդուլաևը:

Հիշեցնենք, որ Ադրբեջանում նման երևույթներ, երբ քանդվում են պատերազմում իրենց զոհերին նվիրված հուշարձաններ, վերջերս շատ է գրանցվում։ Նմանատիպ դեպք գրանցվել է օկուպացված Քարվաճառում, երբ ինչ–որ մեկը պոկել էր թշնամու զոհերին նվիրված ցուցատախտակը․ ադրբեջանցիները շտապել էին դրանում մեղադրել հայերին։