Շոտլանդիան շարունակում է անկախություն ցանկանալ

Շոտլանդիայի կառավարությունը կվերսկսի անկախության հանրաքվեի նախապատրաստումը: Այս մասին հայտարարել է Շոտլանդիայի առաջին նախարար Նիկոլա Սթերջենը՝ տեղի խորհրդարանում ներկայացնելով իր կառավարության առաջիկա տարիների գործունեության ծրագիրը: Գործընթացը ընդհատվել էր համաճարակի բռնկմամբ։

«Մեր ժողովրդավարական մանդատն այն է, որ թույլ տանք մարդկանց, այլ ոչ թե քաղաքական գործիչներին, որոշելու Շոտլանդիայի ապագան, և դա կասկածի ենթակա չէ», - ասել է Սթարջենը:

Նա զգուշացրել է, որ հարցը «չի կարող շրջանցվել կամ հետաձգվել»՝ հաստատելով, որ հանրաքվե անցկացնելու ծրագրերը մինչև 2023 թվականի վերջը մնում են անփոփոխ:

«Անկախության օգտին փաստարկները ուժեղ են, և մենք դրանք կներկայացնենք բաց, ազնիվ ձևով, վստահությամբ և հավակնոտությամբ», - ասել է առաջին նախարարը:

Հիշեցնենք, որ Շոտլանդիայի անկախության վերաբերյալ հանրաքվեն տեղի է ունեցել 2014 թ.։  Դրա մասնակիցների առնվազն 55%-ը կողմ է արտահայտվել Էդինբուրգի և Լոնդոնի միջև դաշինքի պահպանմանը: Այնուամենայնիվ, Շոտլանդիայի ազգային կուսակցությունը օգտվել է 2016 թվականին ԵՄ-ի հետագա անդամակցության վերաբերյալ Մեծ Բրիտանիայի հանրաքվեի արդյունքներից, որոնցում Շոտլանդիայի բնակչությունը, ի տարբերություն ամբողջ Մեծ Բրիտանիայի, չի աջակցել Brexit-ին: Այս հանգամանքը տեղիք է տվել շոտլանդացի ազգայնականներին՝ առաջ քաշելու անկախության նոր հանրաքվեի գաղափարը: