Մենք Բայդենի հետ համաձայնության ենք եկել, որ կանգնեցնելու ենք Իրանին. Բենեթ

Վաշինգտոնից Թել Ավիվ մեկնելուց առաջ Իսրայելի վարչապետ Նաֆթալի Բենեթը հայտարարել է, որ ինքն ու ԱՄՆ նախագահը համաձայնության են եկել Իրանի միջուկային ծրագրի «զսպման» համատեղ միջոցառումների շուրջ:

Միացյալ Նահանգներ կատարած այցի ավարտին նա Արևմտյան Ասիայի տարածաշրջանում միջուկային զենքը «թեժ թեմա» է անվանել՝ կրկին Իրանին մեղադրելով ռազմական միջուկային ծրագրի մշակման մեջ:

Իսրայելական Yediot Ahronot թերթի հաղորդմամբ՝ Բենեթը ԱՄՆ նախագահի հետ իր հանդիպումը «արդյունավետ» է անվանել: Նրա խոսքով՝ ինքը և ԱՄՆ նախագահը մշակել են «փոխվստահության վրա հիմնված սերտ եւ անձնական հարաբերություններ»:

Հրեա բարձրաստիճան պաշտոնյան Իրանի միջուկային ծրագրին մեղադրել է «խաղաղության կուրսից շեղվելու» մեջ և այդ առնչությամբ հայտարարել է Բայդենի հետ համաձայնության գալու մասին: