Մենք Չինաստանի հետ քննարկում ենք Իրանի դեմ նավթային պատժամիջոցները. Բայդենի վարչակազմ

The Washington Free Beacon կայքը, որը մոտ է ամերիկյան նեոպահպանողական խմբին, գրում է, որ Չինաստանին Իրանի նավթի վաճառքը  կտրուկ աճել է վերջին ամիսներին՝ Բայդենի վարչակազմի՝ միջուկային համաձայնագրին վերադառնալու փորձերին զուգահեռ:

Կայքը պնդում է, որ Բայդենի կառավարությունը աչք է փակել Իրանի և Չինաստանի միջև նավթային գործարքների վրա՝ փորձելով վերադառնալ JCPOA-ին:

«Չինաստանը վերջին երեք ամսվա ընթացքում Իրանից օրական միջինը 800 հազար բարել նավթ է ներկրել, ինչը կրկնակի գերազանցում է նախորդ տարվա նույն ժամանակահատվածի ցուցանիշը»,- գրում է The Washington Free Beacon-ը։

ԱՄՆ պետդեպարտամենտի ներկայացուցիչը կայքին ասել է, որ Չինաստանը «Իրանի կարևոր առևտրային գործընկերներից է»։

«Միացյալ Նահանգները շարունակում է համագործակցել ՀԳՀԾ-ի բոլոր կողմերի, այդ թվում՝ Չինաստանի հետ։ Սա ՀԳՀԾ-ով նախատեսված երկկողմ պարտավորություններին վերադառնալու՝ մեր դիվանագիտական ջանքերի մի մասն է»,- ասել է նա։

«Սա է մեր նպատակը, Չինաստանի և ՀԳՀԾ-ի մյուս մասնակիցների նպատակը, առավել ևս դա Իրանի հռչակած քաղաքականությունն է: Մեր բանակցությունները Չինաստանի հետ, թե ինչպես վերադառնալ JCPOA-ին, ներառում են բանակցություններ պատժամիջոցների կիրառման վերաբերյալ»,- ասել է ամերիկացի պաշտոնյան: