Պաղեստինի նախագահ Աբասը ընդունել է Իսրայելի պաշտպանության նախարարին

Պաղեստինի նախագահ Մահմուդ Աբասը Իսրայելի պաշտպանության նախարար Բենի Գանցի հետ քննարկել է պաղեստինա-իսրայելական հարաբերությունների վիճակն ու հեռանկարները: Այս մասին սոցիալական ցանցերում հայտնել է Պաղեստինի քաղաքացիական հարցերով վարչության ղեկավար, Իսրայելի և Պաղեստինի հարաբերությունների պատասխանատու Հուսեյն ալ Շեյխը:

Պաղեստինի նախագահը իսրայելցի նախարարին ընդունել է  Հորդանան գետի օկուպացված արևմտյան ափի Ռամալլահ քաղաքում։

Հատկանշական է, որ հանդիպումը տեղի է ունեցել այն բանից հետո, երբ Իսրայելի վարչապետ Նաֆթալի Բենեթը ԱՄՆ կատարած այցի ժամանակ հայտարարել էր, որ թույլ չի  տա իր իշխանության օրոք պաղեստինյան պետության ստեղծում:

Աբասի և Գանցի հանդիպումը տեղի է ունեցել նաև հակաիսրայելական գործողության ֆոնին՝ շրջափակված Գազայի հատվածի և Իսրայելի սահմանի մոտ: