Մահմուդ Աբասը Մարգարիտա Սիմոնյանին սև շալ է նվիրել

Russia Today-ի գլխավոր խմբագիր Մարգարիտա Սիմոնյանը Telegram-ի իր ալիքում հրապարակել է Պաղեստինի ղեկավար Մահմուդ Աբասի հետ լուսանկար. հայտնում է Русарминфо-ն: 

«Ահա այսպիսի շալ է ինձ նվիրել Մահմուդ Աբասը, որի հետ հիլով թեյ խմեցինք: Ես պատմեցի 15 տարի առաջ Պաղեստին կատարած այցիս մասին: Չեմ կարող ասել` ուրիշ էլ ինչի մասին ենք խոսել: Միայն կհավելեմ, որ նրա աշխատասենյակում անընդհատ միացված է մեր RT-ի արաբական ալիքը»,- մեկնաբանությունում գրել  է Սիմոնյանը:

Նա նաև կարծիք է հայտնել, որ Մոսկվան բոլոր հնարավորություններն ունի իսրայելա-պաղեստինյան հակամարտության կարգավորման գործում գլխավոր միջազգային միջնորդը դառնալու համար: