Տպավորություն է, որ պրոցեսը ինքնանպատակ է դառնում. Արմեն Գևորգյան

Ազգային ժողովի դերակատարումը հանրային-պետական կյանքում պետք է դառնա որոշիչ, այդ թվում մշտական հանձնաժողովների միջոցով: Այս մասին իր ելույթում ասաց «Հայաստան» խմբակցության պատգամավոր Արմեն Գևորգյանը:

Նա նորից անդրադարձավ հանրային ծառայությանը վերաբերող օրենսդրական փաթեթին՝ նկատելով, որ տպավորություն է առաջանում, որ հեղինակները կամ լավ չեն պատկերացնում այն, կամ էլ պատրաստ չեն պետության այլ ճյուղերի մասով լուրջ առաջարկություններ ներկայացնել:

«Մենք այստեղ կոչված ենք ապահովել նորմալ և արդյունավետ պայմաններ հանրային իշխանության բոլոր ճյուղերի համար, իմ հորդորն այն է, որ մենք ինքներս չսահմանափակենք մեզ մեր հնարավորությունների և լիազորությունների մեջ»,-ասաց նա: