Բայդենը կպահպանի Թուրքիայի դեմ պատժամիջոցները

Ամերիկացի դիվանագետը Reuters-ին տված հարցազրույցում ասել է, որ ԱՄՆ նախագահ Ջո Բայդենը կպահպանի Թուրքիայի դեմ պատժամիջոցները ռուսական Ս-400 հակաօդային պաշտպանության համակարգեր գնելու պատճառով և լրացուցիչ սահմանափակումներ կմտցնի, եթե Անկարան Ռուսաստանի Դաշնությունից նոր զենք գնի:

ԱՄՆ նախկին նախագահ Դոնալդ Թրամփը սահմանափակող միջոցներ կիրառեց Թուրքիայի պաշտպանական գնումներով զբաղվող գործակալության նկատմամբ 2020-ի դեկտեմբերին, այն բանից հետո, երբ Անկարան սկսեց փորձարկել Ս-400-ը:

Վերջերս հայտնի դարձավ, որ Ռուսաստանն ու Թուրքիան ավարտել են խորհրդատվությունները Ս-400 ՀՕՊ համակարգերի երկրորդ գնդի մատակարարման պայմանագրի շուրջ: Այս մասին հայտարարել է «Рособоронэкспорт»-ի գլխավոր տնօրեն Ալեքսանդր Միխեևը: