ՏԵՍԱՆՅՈՒԹ․ Ցանկացած խոսք, որն ասել եմ, տեր եմ դրան․ ընթանում է Վազգեն Մանուկյանի գործով դատական նիստը

Ես ցանկացած խոսք, որ ասել եմ, տեր եմ դրան, հետ չեմ  կանգնում դրանից, բայց ինձ պետք չի բացատրել դատարանում, թե ի՞նչ նկատի ունեի. ըստ Yerkir.am-ի` ասաց  Հայաստանի նախկին վարչապետ Վազգեն Մանուկյանը իր գործով դատական նիստից առաջ, որը տեղի է ունենում Երևան քաղաքի առաջին ատյանի ընդհանուր իրավասության դատարանի Ավան նստավայրում։

Հիշեցնենք, որ 2021 թ․ փետրվարի 20-ին հարուցվել է քրեական գործ ՀՀ քրեական օրենսգրքի 301-րդ հոդվածով, և որոշում է կայացվել Վազգեն Մանուկյանին գործում ներգրավել որպես մեղադրյալ։ Վազգեն Մանուկյանին մեղադրանք է առաջադրվել ՀՀ քրեական օրենսգրքի 301-րդ հոդվածով (իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչերը) և որպես խափանման միջոց է կիրառվել ստորագրությունը չհեռանալու մասին:

Նշենք նաև, որ 2021թ. մարտի 9-ին Վազգեն Մանուկյանին առաջադրված մեղադրանքը լրացվել է՝ 2021թ. փետրվարի 26-ին Բաղրամյան պողոտայում անցկացված հանրահավաքի ժամանակ արված հայտարարությունների հիման վրա:

Վազգեն Մանուկյանն այս քրեական գործն ու իրեն առաջադրված մեղադրանքը քաղաքական հետապնդում է  համարում։

Մանրամասն՝ տեսանյութում