Իրանցիներն ակտիվորեն անշարժ գույք են գնում Թուրքիայում

2021 թվականի առաջին կեսին Թուրքիայում վաճառվել է 552 812 բնակելի սեփականություն, ինչը 11,5%-ով պակաս է նախորդ տարվա նույն ժամանակահատվածի ցուցանիշից. գրում է TRT-ն՝ վկայակոչելով Թուրքիայի վիճակագրական ինստիտուտի (TÜİK) տվյալները:

Ըստ զեկույցի՝ հունվարից հունիս ընկած ժամանակահատվածում ամբողջ Թուրքիայում վաճառվել է 167 878 նորակառույց, մնացած օբյեկտները վաճառվել են երկրորդային շուկայում:

Վեց ամսվա ընթացքում Թուրքիայում օտարերկրացիներին վաճառվել է 20 488 տուն և բնակարան, ինչը գրեթե 44%-ով ավելի է, քան նախորդ տարվա առաջին կիսամյակում (14262 օբյեկտ):

Տարեսկզբից ի վեր Թուրքիայում ամենամեծ թվով անշարժ գույք գնել են Իրանի քաղաքացիները՝ 3 070, իրաքցիները՝ 3 019, ռուսները՝ 1759, աֆղանցիները՝ 1277 և Գերմանիայի քաղաքացիներ՝ 726:

Նաև շեշտվում է, որ ամռան առաջին ամսվա ընթացքում օտարերկրացիներին տների վաճառքը տարեկան կտրվածքով աճել է 185,3% -ով և կազմել 4,748 միավոր: