Պակիստանն առաջարկում է Թուրքիային ներգրավել աֆղանական խնդրի լուծման գործում

Պակիստանի վարչապետ Իմրան Խանը անհրաժեշտ է համարում Աֆղանստանի հարևան երկրների, ինչպես նաև Թուրքիայի մասնակցությունը աֆղանական խնդրի լուծմանը:

Ուզբեկստանի առաջնորդ Շավքաթ Միրզիեևի հետ բանակցություններից հետո Խանը հայտարարել է, որ այդ խնդրի լուծման մեջ պետք է ներգրավվեն այնպիսի երկրներ, ինչպիսիք են Պակիստանը, Ուզբեկստանը և Տաջիկստանը: Նա Թուրքիային ևս ներառել է այս ցուցակում:

Այս կապակցությամբ նա առաջարկել է մշակել և անցկացնել այդ պետությունների ղեկավարների գագաթնաժողով Աֆղանստանում խաղաղ կարգավորման խնդիրների վերաբերյալ: «Մենք եկել ենք համաձայնության, որ Աֆղանստանի խնդիրների լուծումը հնարավոր է միայն քաղաքական ճանապարհով»,- ընդգծել է Պակիստանի վարչապետը:

«Մենք մանրամասն քննարկել ենք Աֆղանստանում տիրող իրավիճակը: Մեր երկրները, որպես Աֆղանստանի մերձավոր հարևաններ, շահագրգռված են այս երկրում խաղաղության և կայունության շուտափույթ հաստատմամբ, և համակողմանիորեն կնպաստեն դրան»,- իր հերթին ասել է Միրզիեևը: