Ավելի քան 450,000 ճապոնացի մասնակցել է Տոկիո-2020-ը չեղյալ հայտարարելու ստորագրահավաքին

Նոր տիպի կորոնավիրուսի տարածման սպառնալիքի պատճառով Տոկիոյում Օլիմպիական և պարալիմպիկ խաղերը չեղյալ հայտարարելու մասին առցանց ստորագրահավաքի տակ ստորագրել է ավելի քան 450,000 մարդ:

«Չեղյալ հայտարարել Տոկիոյի Օլիմպիական խաղերը, պաշտպանել մեր կյանքը» խնդրագիրը պատրաստել է Ճապոնիայի փաստաբանների միությունների ֆեդերացիայի նախկին ղեկավար Կենձի Ուցունոմիան: Նրա կարծիքով՝ կորոնավիրուսի հետ կապված իրավիճակը կարող է բացասաբար ազդել մրցումների վրա, որոնց բացման արարողությունը տեղի կունենա մեկ շաբաթից:

Փաստաբանի խոսքով՝ ստորագրությունների քանակից ելնելով՝ ժամանակն է «համարձակ որոշում» կայացնելու և չեղյալ հայտարարելու Տոկիո-2020-ը: Նրա կարծիքով՝ Օլիմպիադայի անցկացումն ուներ որոշակի նպատակ, որից  արդեն շեղվել են:

Ուցունոմիան անտեղի է համարում արտակարգ իրավիճակում օլիմպիական խաղերի անցկացումը: