Ներկայացվել է Տոկիո-2020-ի տարբերանշանը

Ճապոնիայի իշխանություններն ընտրել են 2020 թվականի օլիմպիական և պարալիմպիկ խաղերի տարբերանշանը:

Խաղերի կազմկոմիտեն ներկայացրել է նոր տաբերանշանը, որն Էդո դարաշրջանի (1603-1868 թթ.) ուրույն ոճով է: Նոր լոգոն ունի «Կումիտիմացումո» անվանումը: 2020 թվականի օլիմպիական խաղերի լոգոյի ընտրությունը կատարվել է եզրափակիչ փուլ հասած 4 տարբերանշաններից. հայտնում է ՀԱՕԿ պաշտոնական կայքը:

Նախորդ տարի Խաղերի նախնական տարբերանշանի շուրջ մեծ աղմուկ բարձրացավ, երբ դրա հեղինակ Կենձիրո Սանոյին մեղադրեցին գրագողության մեջ: Բելգիացի դիզայներ Օլիվիե Դեբին, ով 2013 թվականին բելգիական թատրոնի համար տարբերանշան էր ստեղծել, նմանություն էր գտել իր և Սանոյի ստեղծածի մեջ: Բելգիացին դատարան դիմեց՝ հորդորելով Միջազգային օլիմպիական կոմիտեին` հրաժարվել ընտրված տարբերանշանից:

Հետագայում ՄՕԿ-ը չեղյալ հայտարարեց նախնական ընտրությունը և նոր մրցույթ հայտարարեց, որին կարող էր մասնակցել Ճապոնիայի՝ 18 տարին լրացած յուրաքանչյուր քաղաքացի:

ХХХII ամառային օլիմպիական խաղերը կկայանան 2020 թվականի հուլիսի 24-ից օգոստոսի 9-ը Տոկիոյում: