Արմեն Սարգսյանը հանդիպել է Գագիկ Ծառուկյանի հետ. քննարկել են ներքաղաքական իրավիճակը

Հանրապետության նախագահ Արմեն Սարգսյանն այսօր հանդիպում է ունեցել «Բարգավաճ Հայաստան» կուսակցության նախագահ Գագիկ Ծառուկյանի հետ: Այս մասին տեղեկանում ենք ՀՀ նախագահի մամուլի գրասենյակից:

Նախագահ Սարգսյանն ընդգծել է «Բարգավաճ Հայաստան» կուսակցության դերը մեր երկրի քաղաքական կյանքում, գնահատելի համարել արտահերթ խորհրդարանական ընտրությունների անցկացման վերաբերյալ կուսակցության արտահայտած կառուցողական դիրքորոշումը՝ հույս հայտնելով, որ նոր խորհրդարանում ներկայացված չլինելը չի ազդի կուսակցության քաղաքական գործունեության և ակտիվության վրա:

Հանդիպման ընթացքում մտքեր են փոխանակվել ներքաղաքական իրավիճակի շուրջ: