Բայդենը մանրամասներ է ներկայացրել է Էրդողանի հետ բանակցություններից

Թուրքիայի և ԱՄՆ-ի նախագահներ Ռեջեփ Թայիփ Էրդողանի և Ջո Բայդենի առաջին հանդիպումը տեղի է ունեցել երկուշաբթի Բրյուսելում՝ ՆԱՏՕ-ի գագաթնաժողովի շրջանակներում:

ՆԱՏՕ-ի գագաթնաժողովից հետո կայացած մամուլի ասուլիսում, խոսելով Թուրքիայի ղեկավարի հետ բանակցությունների արդյունքների մասին, Սպիտակ տան ղեկավարը Էրդողանի հետ հանդիպումը համարել է դրական և արդյունավետ, ինչպես նաև վստահություն հայտնել ԱՄՆ-ի և Թուրքիայի հարաբերություններում «իրական առաջընթացի» հասնելու հարցում. հաղորդում է ՏԱՍՍ-ը:

«Ես հենց նոր ավարտեցի իմ հանդիպումը Թուրքիայի նախագահ Էրդողանի հետ: Մենք ունեցանք դրական և արդյունավետ հանդիպում: Հիմնականում՝ դեմ առ դեմ», - ասել է Բայդենը:

«Մեր թիմերը կշարունակեն քննարկումները, և ես համոզված եմ, որ մենք իրական առաջընթաց կունենանք Թուրքիայի և ԱՄՆ-ի միջև»,- ավելացրել է նա:

Բայդենն ասել է, որ Էրդողանի հետ քննարկել է, թե ինչպես են երկու երկրները «հետագայում գործելու մի շարք հարցերի շրջանակում»: «Մեր երկու երկրները մեծ օրակարգ ունեն», - ասել է ԱՄՆ նախագահը: