Առաջինը հենց կապիտուլյանտն է քար նետելու իր թիմակիցների վրա, ցուցմունքներ է տալու նրանց դեմ. Արթուր Վանեցյան

Դա մի խմբակ է, որը պատահաբար հայտնվել է այսօր մեր պետական կառավարման ղեկին։ Այս  մասին այսօր նախընտրական քարոզարշավի ժամանակ աջակիցների հետ հանդիպմանն ասաց «Պատիվ ունեմ» դաշինքը գլխավորող Արթուր Վանեցյանը։

«Իրենք իրականում արդեն սկսել են արտահոսքեր անել, թե համաձայն չեն էս կապիտուլյանտի վարած քաղաքականության հետ՝ հասկանալով, որ նա արեն սպառել է իրեն և որևէ շանս չունի վերընտրվելու»,– ասաց նա և նշեց, որ հիմա փորձում են նման արտահոսքերով իրենց անունը մաքրել, որ վաղը մյուս օր գոնե չամաչեն ապրել իրենց քաղաքներում։

«Գնում են այդ քայլի՝ հրապարակայնորեն փչանում են իրենց հարազատների մոտ։ Նպատակը այն է, որ տպավորություն ստեղծվի, թե այդ թիմն է ամբողջությամբ տենց մտածում, բայց կարճ ժամանակ հետ, երբ ամեն ինչ կփոխվի այս երկրում, առաջինը հենց կապիտուլյանտն է լինելու, որ քար է նետելու իր թիմակիցների կողմ, ցուցմունքներ է տալու նրանց դեմ»,–ասաց նա»

Արթուր Վանեցյանը նշեց, որ իրենց թիմը կարող են ապահովել երկրի վերելքը, և մշտական պարտությունների փուլից պետք է դուրս գանք։