Վրաստանը հաստատ կդառնա ՆԱՏՕ-ի անդամ. Կովկասում ՆԱՏՕ–ի քարտուղարի ներկայացուցիչ

Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ապատուրայի խոսքով՝ ՆԱՏՕ-ի գագաթնաժողովի՝ ներկայումս քննարկվող կոմյունիկեն կանդրադառնա վրացիներին հետաքրքրող չորս հիմնական հարցերի: Այս մասին Ապատուրայն ասել է Վրաստանի առաջին ալիքին տված բացառիկ հարցազրույցում:

«ՆԱՏՕ-ի գագաթնաժողովի հաղորդագրության մեջ, որը քննարկվում է այս պահին, երբ մենք ասում ենք, որ վրացիներին հետաքրքրող չորս հիմնական խնդիր է լինելու, նախ՝ դա համոզիչ ուղերձ կուղարկի, որ ՆԱՏՕ-ի դուռը կրկին բաց է: Վրացիները գիտեն, որ մենք վերջերս ունեցանք երկու նոր անդամ՝ Հյուսիսային Մակեդոնիան և Չեռնոգորիան: Սա ապացույց է, որ դաշինքի դուռն իսկապես բաց է:

Երկրորդը կլինի ուժեղ ուղերձ հատկապես Վրաստանի համար, որ ՆԱՏՕ-ն հավատարիմ է Բուխարեստի գագաթնաժողովում ընդունված որոշմանը, որ Վրաստանը հաստատ կդառնա ՆԱՏՕ-ի անդամ: Միևնույն ժամանակ, մենք մեկ անգամ ևս շնորհակալություն ենք հայտնում Վրաստանին այն ամենի համար, ինչ նա անում է․ ես նկատի ունեմ նրա ներդրումը միջազգային անվտանգության և կայունության գործում», - ասել է Ապատուրայը: