Սթոլթենբերգն ասել է` երբ Մակեդոնիան կդառնա ՆԱՏՕ-ի անդամ

Մակեդոնիան ՆԱՏՕ-ի լիիրավ  անդամ կդառնա այն բանից հետո, երբ բոլոր դաշնակիցները վավերացնեն արձանագրությունը, որը կարող  է ստորագրվել մոտ ժամանակներս: Այդ մասին ասել է  ՆԱՏՕ-ի գլխավոր քարտուղար Իենս Սթոլթենբերգը. հայտնում է РИА Новости-ն:

«Ցանկանում եմ շնորհավորել Սկոպիեին և Աթենքին: Հարգում ենք վարչապետ Ցիպրասին և վարչապետ Զաևին քաջության և ուժեղ ղեկավարման համար, որ անցյալում թողեցին այդ վեճը: Այժմ մենք առաջ ենք նայում»,-ասել է նա:

Հունաստանը և Մակեդոնիան 2018-ի հունիսի 17-ին համաձայնագիր ստրոգրեցին, որը լուծում է անվանման վերաբերյալ բազմամյա վեճը և Սկոպիեի համար ճանապարհ բացում դեպի ԵՄ և ՆԱՏՕ: Հունաստանում, սակայն, դժգոհ են համաձայնագրից: