Իսրայելն անհանգստացած է Թուրքիա–Պաղեստին ծովային համաձայնագրի կնքմամբ

Իսրայելին անհանգստացնում է Թուրքիայի փոխծովակալ Ջիհաթ Յայջիի՝ լիբիական մոդելով Պաղեստինի հետ ծովային սահմանների սահմանազատման վերաբերյալ թուրք-պաղեստինյան պայմանագիր կնքելու մասին ծրագիրը:

«Թուրքական լրատվամիջոցները Իսրայելին սպառնում են «ջրի գրավմամբ»՝ լիբիական մոդելով։ Թուրքական լրատվամիջոցների կողմից տարածված հայեցակարգը, հավանաբար՝ կառավարության աջակցությամբ, պնդում է, որ Թուրքիան կարող է գործարք կնքել պաղեստինցիների հետ և ավելացնել նրանց աջակցությունը ծովից: Դա Իսրայելին և Թուրքիային կբերի ռազմական առճակատմանը: Ջիհատ Յայջին Թուրքիայի միջերկրածովյան ընթացիկ քաղաքականության ճարտարապետն է»,- նշում է The Jerusalem Post թերթը:

Իսրայելական թերթում նկարագրված հիմնական կետն այն է, որ «համաձայնագիրը թույլ կտա Թուրքիային՝ վիճարկել Գազայի հատվածի իսրայելական շրջափակումը»:

Նշենք, որ Յայջին թուրքական «Մավի Վաթան» («Կապույտ հայրենիք») հայեցակարգի հեղինակն է, ըստ որի՝ իրականացվում է Թուրքիայի ծովային ծավալապաշտական քաղաքականությունը։