Վրաստանը նախատեսում է մինչ ամառ բացել ցամաքային սահմանները

Վրաստանի իշխանությունները ծրագրում են բացել ցամաքային սահմանները ամառային զբոսաշրջային սեզոնին: Այս մասին հայտնել է Վրաստանի էկոնոմիկայի և կայուն զարգացման նախարար Նաթիա Տուրնավան. հայտնում է «ՌԻԱ Նովոստի»-ն:

Ավելի վաղ Տուրնավան հայտնել էր, որ ցամաքային սահմանների բացումը տեղի կունենա, երբ կորոնավիրուսի երրորդ ալիքն ավարտվի:

«Ցամաքային սահմանների բացումը կնպաստի հարևան երկրներից զբոսաշրջիկների ավելի ակտիվ հոսքին, մենք աշխատում ենք այդ ուղղությամբ: Կարծում ենք, որ մինչ ամառային սեզոնը կկարողանանք անվտանգ, շատ լուրջ վերահսկողության տակ բացել ցամաքային սահմանները, մոտավորապես այնպես, ինչպես արվեց օդային սահմանի հետ»,- լրագրողներին ասել է նախարարը: