ԱՄՆ զինված ուժերը կարող են ռազմաբազաները Թուրքիայից տեղափոխել Հունաստան

ԱՄՆ-ը որոշել է գտնել նոր ռազմական գործընկեր՝ ի դեմս Հունաստանի: Ըստ Военное Обозрение պորտալի՝ Թուրքիայի հետ հարաբերությունների կտրուկ վատթարացման ֆոնին, ԱՄՆ-ն ընդլայնում է ռազմական համագործակցությունը Հունաստանի հետ:

Contra Magazin-ը նույնպես հաղորդել է ԱՄՆ ռազմաբազաների նոր վայրի որոնման մասին:

Հունաստանի պաշտպանության նախարար Նիկոլաոս Պանայոտոպուլոսի խոսքով՝ ԱՄՆ-ի և Հունաստանի միջև ռազմական համագործակցությունը հասել է «աննախադեպ բարձունքների» մակարդակի: Նախատեսվում է, որ Վաշինգտոնը և Աթենքը 2021 թվականի ամռանը կստորագրեն անվտանգության նոր պայմանագիր, որը նոր հնարավորություններ կստեղծի ամերիկացիների համար հունական տարածքում ռազմական միջոցառումներ անցկացնելու համար:

Վերլուծաբանների կարծիքով՝ Միացյալ Նահանգները նոր տեղ է փնտրում Միջերկրական ծովում՝ այդ երկրի և Թուրքիայի միջև տեղի ունեցած տարաձայնությունների պատճառով ռազմական բազաներ տեղակայելու նպատակով: Այս ֆոնին՝ Թուրքիայի հետ «լարված հարաբերությունների մեջ» գտնվող Հունաստանը պատրաստ է որպես այլընտրանք հանդես գալ Միացյալ Նահանգների համար:

Շատ հավանական է, որ ԱՄՆ զինուժն արդեն Հունաստանում նոր տեղ է ընտրում՝ Ինջիրլիքի ռազմաբազայից դուրս բերված զորքերի տեղակայման համար: