Թուրքիայի ՊՆ–ն դատապարտել է 102 թուրք ծովակալների հայտարարությունը՝ ուղղված իշխանություններին

Թուրքիայի պաշտպանության նախարարությունը դատապարտել է 102 թուրք պաշտոնաթող ծովակալների համատեղ հայտարարությունը՝ ուղղված երկրի իշխանություններին, որում նրանք դատապարտում  են իշխանությունների՝ Մոնտրյոյի կոնվենցիայից դուրս գալու փորձերը։

«Մինչ մեր զինվորները պաշտպանում են Թուրքիայի շահերը և մեր եղբայրների ու քույրերի իրավունքները Սիրիայում, Իրաքում, Կիպրոսում, Ադրբեջանում, Լիբիայում, Միջերկրական ծովում, այդպիսի հայտարարությունները կարող են միայն ուրախացնել մեր թշնամիներին և վնասել մեր ժողովրդավարությանը: Թուրքիայի զինված ուժերը չեն կարող օգտագործվել քաղաքական ամբիցիաներ հետապնդելու համար: Մենք վճռականորեն հավատում ենք, որ Թուրքիայի անկախ դատական համակարգը կանի այն ամենը, ինչ անհրաժեշտ է»,– նշված է հայտարարության մեջ։