Դատապարտել են Ադրբեջանի իշխանություններին

Amnesty International կազմակերպությունը դատապարտել է Ադրբեջանի իշխանություններին ընդդիմադիրների ձերբակալությունների առնչությամբ:

Միջազգային իրավապաշտպան կազմակերպության տվյալներով` Ադրբեջանում վաղը նախատեսված հակակառավարական ակցիայից առաջ ձերբակալվածների թիվը հասել է 11-ի:

«Ադրբեջանի իշխանությունները զանգվածային եւ անխնա բռնություններ են իրականացնում բարեփոխումների պահանջով հանդես եկող ընդդիմադիրների նկատմամբ»,- հայտարարել է Amnesty International-ի Եվրոպայի եւ Միջին Ասիայի ծրագրերի փոխտնօրեն Ջոն Դալհույսենը:

Բաքվի քաղաքապետարանը երեկ մերժել է քաղաքի կենտրոնական հրապարակում հանրահավաք անցկացնելու` ընդդիմության դիմումը, սակայն ընդդիմադիրները մտադիր են, այնուամենայնիվ, անցկացնել այդ չարտոնված միջոցառումը: