Այս պահին Երևանում sett-weather
Փոխարժեքներ 09 07 2026
USD ⚊ $ 367.12
EUR ⚊ € 419.32
RUB ⚊ ₽ 4.8216
GBP ⚊ £ 491.61
GEL ⚊ ₾ 139.38
կարևոր
0 դիտում, 5 տարի առաջ - 2021-03-18 16:48
Իրավական

Պաշտպանները միջնորդեցին վերացնել Սերժ Սարգսյանի գույքի վրա դրված կալանքը. հաջորդ դատական նիստը՝ ապրիլի 15-ին

Պաշտպանները միջնորդեցին վերացնել Սերժ Սարգսյանի գույքի վրա դրված կալանքը. հաջորդ դատական նիստը՝ ապրիլի 15-ին

Երևան քաղաքի ընդհանուր իրավասության դատարանի Ավանի նստավայրում, դատավոր Վահե Միսակյանի նախագահությամբ, հետաձգվեց ՀՀ երրորդ նախագահ Սերժ Սարգսյանի և մյուսների գործով դատական նիստը։

Հաջորդ նիստը կկայանա ապրիլի 15-ին՝ ժամը 14։00-ին։

Այսօրվա նիստում Սերժ Սարգսյանի պաշտպանական թիմը ներկայացրեց իրենց պաշտպանյալի գույքի վրա դրված կալանքը վերացնելու մասին միջնորդություն։  Սարգսյանի փաստաբան Ռուբեն Հակոբյանը հայտարարեց, որ Սերժ Սարգսյանի գույքը կալանքի տակ է քննիչի անհիմն և չպատճառաբանված որոշմամբ: 

Մեղադրող դատախազն էլ պնդեց՝ միջնորդությունը ենթակա է մերժման:  

Սերժ Սարգսյանին մեղադրանք առաջադրվելու մասին ՀՔԾ-ն հայտարարել է 2019 թվականի դեկտեմբերի 4-ին: Ըստ պաշտոնական հաղորդագրության՝ զբաղեցնելով ՀՀ նախագահի պաշտոնը, նա իր պաշտոնեական դիրքն օգտագործելով, 2013 թվականին կազմակերպել է պաշտոնատար մի խումբ անձանց կողմից պետությունից վատնելու եղանակով առանձնապես խոշոր չափերով գումարի՝ 489.160.310 ՀՀ դրամի հափշտակության կատարումը: Նրան մեղադրանք է առաջադրվել ՀՀ քրեական օրենսգրքի 38-179-րդ հոդվածի 3-րդ մասի 1-ին կետով և որպես խափանման միջոց է ընտրվել ստորագրություն՝ չհեռանալու մասին։
 
Գործով մեղադրյալներ են նաև նախկին գյուղնախարար Սերգո Կարապետյանն ու Սերժ Սարգսյանի մտերիմ գործարարներից համարվող «Ֆլեշ» ընկերության սեփականատեր Բարսեղ Բեգլարյանը, գյուղնախարարության նախկին պաշտոնյա Գևորգ Հարությունյանը, գյուղատնտեսության նախկին փոխնախարար Սամվել Գալստյանը։
 
Դատարանն այսօր որոշում կայացրեց դադարեցնել քրեական հետապնդումը Սերգո Կարապետյանի ու Սամվել Գալստյանի նկատմամբ՝ մահվան հիմքով։
բաժանորդագրվել
Նմանատիպ նյութեր

Լրահոս

  • բոլոր լուրերը
    • Հրապարակումների արխիվ - կայքի նախկին տարբերակը

    Հետադարձ կապ

    • Սոց. ցանցեր

    © 2026 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը