ՏԵՍԱՆՅՈՒԹ. Շուշիի «Հարսանիք լեռներում» օպերացիան՝ Մ. Բաղրամյան պողոտայում

Ի նշանավորումն 1992 թ. Շուշիի փառահեղ հաղթանակի` Բաղրամյան պողոտայում՝ Հայրենիքի փրկության շարժման նստացույցի վայրում, տեղադրվել է Շուշիի «Հարսանիք լեռներում» օպերացիայի մանրակերտը:

Նպատակն է՝ ևս մեկ անգամ աշխարհին ցույց տալ, որ Շուշին հայկական է, եւ վաղ, թե ուշ հայոց ռազմական ներուժը վերականգնելուց հետո այն անպայման ազատագրվելու է:

«Որքան էլ վայրահաչեն Հայասատանի ոչ բարով քաղաքական ղեկավարները, եւ իրենց թրքահաճո հայտարարություններով որքան էլ ուզեն վայելել Ադրբեջանի եւ Թուրքիայի բարեհաճությունը միեւնույն է` հասնելու ենք մեր նպատակին, ազատագրելու ենք եւ՛ Հադրութը, եւ՛ Շուշին եւ մնացյալ օկուպացված տարածքները»,-Yerkir.am-ի հետ զրույցում ասաց պահեստազորի գնդապետ, «Կամավորական շարժում» հ/կ-ի խորհրդի անդամ Արտաշես Մխիթարյանը:

Գնդապետը հետաքրքրասեր ներկաներին պատմեց նաև Շուշիի ազատագրման օպերացիայի, հարձակման ուղղությունների, հայտնի հրամանատարների գործողությունների և այլնի մասին։

Մանրամասները դիտեք տեսանյութում։

Լիանա Սարգսյան