ԵՄ-ն կոչ է անում ազատ արձակել 57 հայ գերիներին

ԵՄ արտաքին հարաբերությունների գլխավոր ներկայացուցիչ Պիտեր Ստանոն կոչ է արել ազատել ադրբեջանական գերության մեջ մնացած հայ գերիներին:

«ԵՄ-ն ողջունում է նոյեմբերին գերեվարված 5 զինվորների ազատ արձակումը և կոչ անում անհապաղ ազատ արձակել մնացած 57 գերիներին: Սա կնպաստի երկու երկրների (Հայաստանի և Ադրբեջանի) միջև վստահության հաստատմանը, ինչը կարևոր է տարածաշրջանում կայուն խաղաղության համար»,- գրել է Ստանոն Twitter-ի իր միկրոբլոգում:

Հիշեցնենք, որ նախօրեին Ռուսաստանի Դաշնության միջնորդությամբ Հայաստան էին վերադարձել ևս 5 ռազմագերիներ, մնացած գերիները հեռախոսով կարողացել էին զանգահարել իրենց հարազատներին: