Վրաստանում քրեական գործ է հարուցվել հայկական բեռնատարների վրա ադրբեջանցիների հարձակման դեպքի առթիվ

Համացանցում տարածվել է տեսանյութ Մառնեուլ վրացական քաղաքից, որում, ըստ հայ վարորդների, տեղի ադրբեջանցիները հարձակվել են 30 հայկական բեռնատարների վրա:

Այս միջադեպի կապակցությամբ Վրաստանում ՀՀ դեսպանությունը հայտարարություն է տարածել:

«... Վրացական Քվեմո Պոնիչալա գյուղի տարածքում անհայտ անձինք քարեր են նետել հայկական բեռնատարների ուղղությամբ, կոտրել որոշ բեռնատարների դիմապակին և կողային ապակիները և դիմել փախուստի դեպքի վայրց:

Հետո բեռնատարները պարեկային ոստիկանության ուղեկցությամբ հասել են վրաց-հայկական սահման և հատեցին այն:

Այս կապակցությամբ Վրաստանի ՆԳՆ-ն քրեական գործ է հարուցել:

Վրաստանում ՀՀ դեսպանությունը մշտական կապի մեջ է Վրաստանի համապատասխան մարմինների հետ, միևնույն ժամանակ ակտիվորեն աշխատում է հանցագործներին օրենքի շրջանակներում պատասխանատվության ենթարկելու ուղղությամբ, որպեսզի կանխվի նման դեպքերի կրկնությունը», – հայտարարել է դեսպանատունը։