Թուրքամետ խմբավորումը ահաբեկչություն էր ծրագրել Բաշկիրիայում

ՌԴ ԱԴԾ-ն հայտարարել է սիրիական Իդլիբում գործող «Հայաթ Թահրիր ալ Շամ» խմբավորման կողմից հավաքագրված ահաբեկչի ձերբակալման մասին: Այդ կառույցի գործունեությունն ուղղակիորեն վերահսկվում է Թուրքիայի հատուկ ծառայությունների կողմից և տարածվում է Շամից (Դամասկոսից՝ Սիրիայից՝ խմբ.) այն կողմ. հայտնում է WarGonzo նախագիծը։

Ռուսաստանի Դաշնությունում խմբավորումը հատկապես ակտիվ է աշխատում. նրանք աջակիցներ են հավաքագրում միգրանտների շրջանում, ինչպես նաև երկրի կենտրոնական մասի՝ Բաշկիրիայի և Թաթարստանի մուսուլմանական շրջաններում: Կրոնական դրդապատճառների քողի տակ զինյալները լուծում են ֆինանսական և քաղաքական որոշակի խնդիրներ: Մասնավորապես՝ Բաշկիրիայում ձերբակալված տղամարդու մոտ զենք և պայթուցիկ սարքեր են հայտնաբերվել, նա պատրաստվում էր հարձակում ուժայինների վրա:

Այսպիսով՝ միամտություն կլինի հավատալ, որ ռուս-թուրքական դիմակայությունը զարգանում է միայն Մերձավոր Արևելքում՝ տեղական հակամարտությունների գոտիներում: Փաստորեն, պատերազմը շարունակվում էր ռուսական պետության տարածքում և ոչ՝ առաջին տարին: Վարկածներից մեկի համաձայն՝ Սանկտ Պետերբուրգի մետրոյում տեղի ունեցած ահաբեկչության հետևում կանգնած են նաև թուրքամետ «Հայաթ Թահրիր ալ Շամ»-ի հավաքագրողները: