Փոխարժեքներ
18 01 2025
|
||
---|---|---|
USD | ⚊ | $ 398.94 |
EUR | ⚊ | € 410.95 |
RUB | ⚊ | ₽ 3.8929 |
GBP | ⚊ | £ 486.63 |
GEL | ⚊ | ₾ 140.52 |
Հունվարի 18-ին իրանական բանակի հրամանատար, բրիգադային գեներալ Կիումարս Հեյդարին հայտարարել է, որ հունվարի 19-ին «Էգթեդար-99» զորավարժությունները կանցկացվեն Մակրանի ափին՝ օդային ստորաբաժանումների, հատուկ նշանակության ջոկատների և արագ արձագանքման կազմավորումների մասնակցությամբ: Այս մասին հայտնում է իրանական Mehr News գործակալությունը:
Հեյդարին նշել է, որ առաջիկա վարժանքներն իրենց տեսակով եզակի են, քանի որ առաջին անգամ կանցկացվեն մարտական ու թիրախային կարգով։
«Ուժերը կներկայացնեն ներքին նորարարական տեխնոլոգիա, որը ծառայում է ցամաքային ուժերին»,- շեշտել է նա:
Հաղորդվում է, որ այս միջոցառումը հիմնականում ուղղված է ստորաբաժանումների մարտունակության գնահատմանը, մարտական ուժերի օպերատիվ արձագանքմանը: Առաջիկա զորավարժություններին կմասնակցեն հատուկ նշանակության ջոկատներ, որոնք ունակ են գործողություններ իրականացնել տարբեր աշխարհագրական տարածքներում, այդ թվում՝ ծովում, ցամաքում և լեռնային շրջաններում: