ՆԱՏՕ-ն Թուրքիային մենակ է թողել ահաբեկչության դեմ. Էրդողան

ՆԱՏՕ-ի երկրները միայնակ են թողել Թուրքիային ահաբեկչության սպառնալիքի առջև, Անկարան բավարար օգնություն չի ստանում դաշինքից: Այս մասին հունվարի 12-ին Անկարայում ելույթի ժամանակ հայտարարել է Թուրքիայի նախագահ Ռեջեփ Թայիփ Էրդողանը:

Նա նշել է, որ ՆԱՏՕ-ի և ԵՄ-ի անվտանգությունը սկսվում է Թուրքիայի արևելյան սահմաններից, և Անկարան երբեք չի հրաժարվել համագործակցել դաշինքի այլ երկրների հետ` ահաբեկչությանը հակազդելու համար: Սակայն այժմ միայն Թուրքիան է պայքարում «Իսլամական պետություն» խմբավորման դեմ:

«Ինչո՞ւ են ՆԱՏՕ-ի երկրները մեզ մենակ թողել ահաբեկչության դեմ պայքարում»,– շեշտել է Էրդողանը:

Թուրքիայի ղեկավարն ԱՄՆ-ին մեղադրել է նաև Սիրիայի քրդերի ինքնապաշտպանական ուժերին ռազմական աջակցություն ցուցաբերելու մեջ: Ըստ նրա՝ նրանք ստացել են զենքով բեռնատարներ և փոխադրամիջոցներ: Թուրքիայում այդ ուժերը հայտարարված են ահաբեկչական՝ Քուրդիստանի աշխատավորական կուսակցության հետ կա ունեցող: