Թրամփին արգելափակելուց հետո Facebook-ը և Twitter-ը կորցրել են 44 միլիարդ դոլար

ԱՄՆ նախագահ Դոնալդ Թրամփի օգտահաշիվների արգելափակումից հետո Facebook-ի շուկայական կապիտալիզացիան նվազել է 41 միլիարդ դոլարով, իսկ Twitter- ինը՝ 3 միլիարդ դոլարով:

Коммерсант-ը գրում է՝ քանի որ հունվարի 7-ին Facebook-ը հայտարարել էր «Ինստագրամ»-ում գործող՝ նախագահի հրապարակումների՝ անորոշ ժամկետով արգելքի մասին, NASDAQ բորսայում սոցիալական ցանցի բաժնետոմսերը 5,3%-ով էժանացել էին: Ընկերության շուկայական կապիտալիզացիան այժմ կազմում է 731,56 միլիարդ դոլար:

Twitter-ի բաժնետոմսերը հունվարի 7-ից կորցրել են իրենց արժեքի 7,74%-ը:  Ընկերության կապիտալիզացիան ընկել է 38,3 միլիարդ դոլարի:

Հունվարի 6-ին Կոնգրեսի վրա հարձակումից հետո, Միացյալ Նահանգներում քաղաքական լարվածության աճի ֆոնին, արգելափակվել էին Թրամփի՝ Facebook-ի և Twitter-ի օգտահաշիվները: